காலம் மாறிப் போச்சு தம்பி

காலம் மாறி போச்சு தம்பி காலம் மாறி போச்சு கஷ்டப் பட்டு கனடா வந்து காசு சேர்த்து
விசா கார்டிலை வின்டரிலை ஊருக்கு போன
என் கதை கேளு தம்பி என் கதை கேளு

அந்த காலத்தில் நான் ஓடிய ரெலி சைக்கில்களை காணோம் தம்பி காணோம்
இப்ப எல்லாப் பெடியங்கள் ஓடுவது சும்மா வரும் காசில் சுமா மோட்டார் சைக்கில்.

மகளிர் கல்லூரிக்கு முன் கூட்டம்
என்னென்று பார்த்தால்
சயிட் அடிக்க மோட்டார் சைக்கிளில் பெடியல்கள் கூட்டம்
கடத்திச் செல்ல காத்து நிறக்கிறது இன்னொரு கூட்டம்
சீரழிந்து போச்சு தமிழ் கலாச்சாரம் தம்பி கலாச்சாரம்
காலம் மாறி போச்சு தம்பி காலம் மாறி போச்சு.


தம்பி ஆட்சி காலத்தில் துணிந்து பெண்கள் இரவில் போன காலம் போய்
இப்ப ஆவா குழு வாளோடு வந்து
வெள்ளை வானில் கடத்திச் செல்ல காத்து நிக்கும் காலம் தம்பி காலம்

காலம் மாறி போச்சு தம்பி காலம் மாறி போச்சு

அந்தக் காலத்தில் கள்ளைத் தவிர வேறு நாம் கண்டதில்லை
இந்த காலத்தில் போதை மருந்தும் சிகரட்டும் பரவலாக பெடியங்கள் கையில்
காலம் மாறி போச்சு தம்பி காலம் மாறி போச்சு

கோவிலுக்கு போனால் இந்த காலத்தில் காஞ்சிபுரம் . நகைகள் மினு மினுக்குது தம்பி மினு மினுக்குது
அந்தக் காலத்தில் நான் கண்டது பருத்தி சேலையும் தாலி மட்டும் தம்பி தாலி மட்டும்
காலம் மாறி போச்சு தம்பி காலம் மாறி போச்சு

குடிசையாக இருந்த ஊர் கோவில்கள் டொலர் உயர்த்தி விட்டது தம்பி உயர்த்தி விட்டது
தேரைக் கூட வடத்தை விட்டு வாகனம் மூலம் இழுக்கும் காலம் தம்பி காலம்
காலம் மாறி போச்சு தம்பி காலம் மாறி போச்சு

எண்பத்து மூன்றில் கொழும்பிலிருந்து போனவர்களை பார்த்து
அடிக்கு முந்தியோ பிந்தியோ என்ற கேட்ட காலம் போய்
இப்ப போனால் நீர் வெளி நாடோ இந்த ஊரோ என்று கேட்கும் காலம் தம்பி
காலம் மாறி போச்சு தம்பி காலம் மாறி போச்சு

இரு கட்சிகள் இருந்த காலம் போய்
பல கட்சிகளுக்கு பல தலைவர்கள் இருக்கும் காலம் தம்பி
எல்லாக் கட்சி பேரும் மக்களை கவர அரம்பம்
ஈழம் தம்பி ஈழம்.
வடக்கு கிழக்கு ஓன்று சேருவது கனவாகி விட்டது தம்பி கனவாகி விட்டது
காலம் மாறி போச்சு தம்பி காலம் மாறி போச்சு

சென்ற காலத்தில் உயர் சாதிக்கு பிரிட்டிஷ் கொடுத்தது முதலியார் பட்டம்
இந்த காலத்தில் துரோகிகளுக்கு கிடைப்பது காரும் அமைச்சர் பட்டம்
காலம் மாறி போச்சு தம்பி காலம் மாறி போச்சு

ஆனால் மா பலா மீன் நண்டு விலை உய்ர்ந்தாலும் ருசி மட்டும் இன்னும் மாறவில்லை தம்பி மாறவிலலை
ரூபாய் மதிப்பு கீழே கீழே போனாலும்
ஈழத் தமிழன் பிரச்சனைகள் மேலே மேலே வளர்கிறது தம்பி வளர்கிறது.
காலம் மாறி போச்சு தம்பி காலம் மாறி போச்சு

சீனா இந்தியா அரசியல் போட்டி நம் நாட்டில் தம்பி
சீ என்று போச்சு நாம் பெற்ற சுதந்திரம் குடும்ப ஆட்சியால் தம்பி
காலம் மாறி போச்சு தம்பி காலம் மாறி போச்சு