நிலைப்பாட்டைக் குறிக்கும்
பிரார்த்தனைகள்
நிறைவாகவே என்னிடம்.

அன்பைத் தவிர
இல்லையென்று ஏதுமில்லை
கையேந்தலும்
இறைஞ்சுதலும்
கெஞ்சுதலும்
நினைவில்லை இதுவரை.

எத்தனை தரம்தான்
துரத்தமுடிகிறது
அவர்களால்
வாலை ஒட்ட
வெட்டிவிடுங்களேன்
நாயென நான் ஆட்டாமலிருக்க.

இயற்கை அசைவில்
அன்பின் அழைப்பு
கை கோர்த்தலில்
இளஞ்சூட்டின் பரவசம்
நாடியோடும் குருதியில்
குமிழுடைத்த நர்த்தனங்கள்
மார்தழுவலில் தேவரகசியம்.

மரத்தைக் காதலித்து
செடிகளுக்கு நீரூற்ற
சிலிர்க்கிறது பூக்களாய்
மென்னீரத்தின்
நிர்ச்சலனத்தோடு.

கொய்தழிக்காமல்
வாடமுன்
காண்பிக்கிறேன்
என்னை நேசிப்பவர்கள்
யாராவது இருந்தால்!!!

மேலும்

ஒவ்வொருமுறையும்
கைபிசைந்து நிற்கிறேன்
செய்த தவறுகளுக்காய்
என்னை முறைத்து
பின் ரசித்து
ரட்சிக்கும் தேவனாய்
உதறி விடுகிறாய்
மன்னிப்புக்களை.

இலவசவமாய்
கிடைக்கும் மன்னிப்பை
அலட்சியமாய்
எடுத்துக்கொண்ட நான்
மீண்டுமொரு
தவறுக்கு ஆயத்தம்
செய்துகொண்டிருக்கிறேன்!!!

மேலும்

கிறங்கா மனதை அசைத்து
கனவைச் சமன் செய்தபடி
என் அறையெங்கும்
இறைந்து கிடக்கிறது
தொலைதூர முத்தம்.

பூனையின்
புசுபுசு கண்களில்
காதலைத் தேக்கி
எனக்குள்
பீச்சிக்கொண்டிருக்கிறது
பிரியங்களாய் அது.

முத்தங்களை
முலை முட்டிக் கேட்கும்
குழந்தையென
ஆக்கிவிட்டு
கலையாக் கனவுகளுக்காய்
காவலுக்கும் எனையிருத்தி
கசிந்துருகி காதலிசைக்க
காற்றையும்
கலைத்துப் பிடிக்கிறது.

வலிக்காத் தமிழ் கொய்து
முத்தங்கள் பிரித்து
பித்தம் நீக்கி
மலர் வாடக் கண் கலங்கி
உயிர்கள் நேசித்து
கொடூரமும்
சிதைவும் கண்டிரங்கி
மரங்கள் ஊன்றும்
மானுடமது.

ஆனாலும்
என் இரவை நீட்டி
மெது மெதுவாய்
கவிழ்த்து வீழ்த்தும்

மேலும்