தமிழ் கவிஞர்கள்
>>
சுப்பிரமணிய பாரதி
>>
தெளிவு
தெளிவு
எல்லா மாகிக் கலந்து நிறைந்தபின்
ஏழைமை யுண்டோடா? - மனமே!
பொல்லாப் புழுவினைக் கொல்ல நினைத்தபின்
புத்தி மயக்கமுண்டோ?
உள்ள தெலாமோ ருயிரென்று தேர்ந்தபின்
உள்ளங் குலைவ துண்டோ? - மனமே!
வெள்ள மெனப்பொழி தண்ணரு ளாழ்ந்தபின்
வேதனை யுண்டோடா?
சித்தி னியல்பு மதன்பெருஞ் சத்தியின்
செய்கையுந் தேர்ந்துவிட்டால், - மனமே,
எத்தனை கோடி யிடர்வந்து சூழினும்
எண்ணஞ் சிறிதுமுண்டோ?
செய்க செயல்கள் சிவத்திடை நின்றெனத்
தேவ னுரைத்தனனே; - மனமே!
பொய்கரு தாம லதன்வழி நிற்பவர்
பூதல மஞ்சுவரோ?
ஆன்ம வொளிக்கடல் மூழ்கித் திளைப்பவர்க்
கச்சமு முண்டோடா? - மனமே!
தேன் மடை யிங்குத் திறந்தது கண்டு
தேக்கித் திரிவமடா!
பிரபல கவிஞர்கள்
தபு ஷங்கர்
Thabu Shankar
ஞானக்கூத்தன்
Gnanakoothan
வ. ஐ. ச. ஜெயபாலன்
V. I. S. Jayapalan
கனிமொழி
Kanimozhi
லீனா மணிமேகலை
Leena Manimegalai
Random தமிழ் கவிதைகள்
சிறந்த கவிதைகள் (இந்த வாரம்)
தங்கரதம் வீதியுலாப்...
கவின் சாரலன்
21-Dec-2024
திறக்கும் மலரெல்லாம்...
கவின் சாரலன்
21-Dec-2024
