சிதறல்
யாரோ கல்லெறிந்திருக்கிறார்கள்
இந்த முறையும் தப்பாமல்
நடனமாடுகிறது குளம்
தடுமாறி நிற்கிறேன் நான்!
***
நிசப்தமான நடு நிசி
குளிரில் நடுங்கிக் கொண்டே
நடக்கிறேன் சூடான
உன் நினைவுகளோடு....!
***
ஒரு மழை
ஒரு சாரல்
ஒரு காதல்
ஒரு கவிதை
நீ.....!
***
பேருந்துப் பயணம்
ஜன்னலோர இருக்கை
வழி நெடுக வாழ்க்கை
பார்வையாளனாய் நான்....!
***
ஒரு சிட்டுக் குருவி
ஈரச் சிறகு
படபடக்கும் உலர்த்தல்
சிறகடிக்கும் மனசு...!
***
காற்றில் பறக்கும்
சருகுகள்
கலைந்து திரியும்
மனிதர்கள்
நிற்கப் போகும் காற்று!
***
கனவுகள் மொய்க்கின்றன
நீ சிந்திச் சென்ற
புன்னகையின் மிச்சங்கள்
இன்னும் இறைந்து கிடக்கின்றன
மூளைக்குள்...!
