நாளைய தமிழும் தமிழரும் -பொங்கல் கவிதைப்போட்டி 2015
கல் தோன்றி மண் தோன்றாக் காலத்திலே
தானதோன்றாய் பிறந்திட்ட வண்ணத் தமிழ்...!
இலக்கிய இலக்கணம் அறிந்திட முன்னமே
இதயம் வருடிய இன்பத் தமிழ்...!
ஒளவைப் பாட்டியோடு பாண்டியனும்
ஊட்டி வளர்த்த பிள்ளைத் தமிழ் ...!
ஆங்கிலேயன் ஆட்சியிலும் அணையாது
ஒளிவிட்ட சுடர்த் தமிழ்...!
கரும்பிலும் இனிதாய் கனியிலும் சுவையாய்
உணர்வோடு கலந்த எங்கள் தமிழ்...!
பிற மொழி புகுதலில்
புறந்தள்ளப்படுவதா சிந்தியுங்கள்....
பொறியியலும் அறிவியலும்
மருத்துவமும் கணக்கியலும்
அழகுத் தமிழில் கற்றிடேல்
அழிந்திடுமா செந்தமிழ் எண்ணிடுங்கள்...
அன்னை மார்பினில் சுரக்கும் பாலுடன்
அன்புத் தமிழையும் பருக கொடுத்திட்டால்
நுனி நாக்கு ஆங்கிலம் நுரையென சிதற
நாளைய தமிழரின் நாவினிலும்
தேனாக இனித்திடும் என் செந்தமிழே ...!
