புரட்சி தமிழர் நாங்கள்
எவன் மடிந்தால் எனகென்ன
மண்ணோடு மக்கிப்போனால் தான் என்ன .?
வரவுண்டா எமக்கு வாதிட்டு நிற்பதற்கு .?
இனவெறியும் இல்லை
உயிர் எடுத்ததில் தவறும் இல்லை
தற்செயலாய் நடந்ததற்கு
காக்கிச் சட்டை பொறுப்பும் இல்லை
இது எம் அரசாங்கம் -எதிர்த்தால்
நீ நாசம் .
இருப்பினும்
கரன்சி கிடைக்கும் என்றால்
சொல்லுங்கள்
கரப்பான் பூச்சிக்கும் கண்ணீர் வடிப்போம்
இல்லையெனில் ..
புரட்சியின் எழுச்சியை வரிகளில்
புகுத்தி விட்டு
போத்தி படுத்துகொள்வோம்
புகழாரம் வேண்டும் என்றால்
இன்று மட்டும் போர்க்கொடி ஏந்தி நிப்போம் .
பூரித்து போவார் எம்மவர்
புரட்சி தமிழர் என .!!!!
