மன வீணை
அன்பே...
மன வீணையின்
ஆன்ம நரம்பை மீட்ட
முனைகிறாய்
உன் அன்பெனும் கைவிரல் கொண்டு...
சுருதி கூட்டப்பட்டு நீலாம்பரி
இசைக்கப்பட்டு விட்டதை
மறந்துவிடாதே.....
மன வீணை அதிகம்
இசைத்ததென்னவோ
ஆயிரம் ஆயிரம் முகரிகளைத்தான்
இறுதியில் அமிர்தவர்சனியையும்
இசைத்து விழி வழி நீருக்காக
மழையையும் அணைத்துக்கொண்டது...
தட்டித்தடுமாறி எழுந்து நின்று
கம்பீர நாட்டை மீட்ட நினைக்கையில்
மோகன ராகத்துக்கான உன் கோரிக்கை......
என்ன செய்யும் இந்த மன வீணை....
