மோகத்தை கொன்றுவிடு

மோகத்தை கொன்றுவிடு - அல்லால்
என்றன் மூச்சை நிறுத்திவிடு

தேகத்தை சாய்த்துவிடு - அல்லால்
அதில் சிந்தனை மாய்த்துவிடு

யோகத் திருத்திவிடு – அல்லால்
எந்தன் ஊனைச் சிதைத்து விடு

ஏலத்திருந்துலகம் இங்குள்ளன
யாவையும் செய்பவளே

பந்தத்தை நீக்கி விடு - அல்லால்
உயிர் பாரத்தை போக்கி விடு

சிந்தை தெளிவாக்கு - அல்லால்
இதை செத்த உடலாக்கு

இந்த பதர்களையே - எல்லாம் என
எண்ணி இருப்பேனோ
எந்த பொருளிலுமே உள்ளேன்
என்றியங்கி இருப்பவளே

மோகத்தை கொன்றுவிடு - அல்லால்
என்றன் மூச்சை நிறுத்திவிடு

உள்ளம் குளிராதோ – பொய்யானவ
ஊனம் ஒழியாதோ

கள்ளம் உருகாதோ – அம்மா பக்தி
கண்ணீர் பெருகாதோ

வெள்ளக் கருணையிலே – இன்ன சிறு
வேட்கை தவிராதோ

வில்லர் கரியவளே
அனைத்திலும்
மேவி இருப்பவளே

மோகத்தை கொன்றுவிடு - அல்லால்
என்றன் மூச்சை நிறுத்திவிடு!!!