10 செகண்ட் கதைகள் - ஹே ஆருகிட்ட
" ஏங்க பங்ஷனுக்கு ரெண்டு நாள் தான் இருக்கு.. எங்க அண்ணனை இன்னும்
கூப்பிடவேயில்ல.. "
" அவனை போனை கூப்பிட்டா போதும்.. வந்துடுவான்.. "
" எங்க அண்ணன்னா..அவ்ளோ எளக்காரமா போச்சா..?!! "
( ஆஹா.. ஆரம்பிச்சிட்டாய்ங்கடா " பாசமலர் " படத்தை.. )
" சரி சரி,, கெளம்பு..!! "
" டி-சர்ட்., தாடி... இப்படி பிச்சக்காரத்தனமா போனா.. எங்க அண்ணன் என்ன நெனப்பான்..? ஷேவிங் பண்ணி டீசண்டா டிரஸ் பண்ணிட்டு வாங்க.."
" என்னாது இது உங்க ஊர்ல பிச்சக்காரத்தனமா..?!
ஸ்டைலுமா ஸ்டைலு...!! "
" இப்ப நான் சொன்ன மாதிரி வரப்போறீங்களா இல்லியா..!? "
என் Wife அன்பா.. கெஞ்சி கேட்டதால ஷேவிங் பண்ணிட்டு அயர்ன் பண்ணின
சர்ட், பேண்ட் போட்டுட்டு கண்ணாடிய பாத்தேன்.. ஒரு சஞ்சய் ராம்சாமி தெரிஞ்சான்..
மச்சான் வீட்டுக்கு போனோம்... கதவை தொறந்ததே என் மச்சான் தான்..
நான் அவனை அப்படியே மேலயும் கீழேயும் பார்த்தேன்..
டீசர்ட்... ரெண்டு நாள் தாடி...!! அதே பிச்சக்கார கெட்டப்பு...
" என்ன மச்சான்.. எதுக்கு இந்த வெயில்ல சர்ட்டை டக்இன் எல்லாம் பண்ணிட்டு வந்து இருக்கீங்க..? எதாவது MLM-ல சேர்த்துட்டீங்களா..? "
( திரும்பி என் Wife-ஐ முறைச்சேன்...சரி சரி பாத்தேன்..!! )
" வீட்ல பங்ஷன்ணா.. அழைக்க வந்தோம்..! "
" என்ன பங்ஷன் மச்சான்..?!! "
" நீ மொதல்ல போயி ஷேவிங் பண்ணிட்டு., சர்ட்டை டக்இன் பண்ணிட்டு வா.. அப்பத்தான் சொல்லுவேன்..!! "
# ஹே... ஆருகிட்ட..?!!!
