திறமைகள் புதைக்கப்படுகின்றன

திறமைகள் புதைக்கப்படுகின்றன

கல்வி
காத்திடும் ஆயுதமா
அழித்திடும் ஆயுதமா

கதிரவனின்
வருகைக்கும் காத்திராமல்
அதிகாலமே எழுப்பி
குளிப்பாட்டி
சீருடை மாட்டி
Lunch bag School bag
கொடுத்து
பள்ளி வாகனத்தில்
ஏற்றி விட்ட
குழந்தையிடம்
வெளிப்படுமா திறமைகள்!

கதிரவனின்
மறைவிற்கு பிறகே
பள்ளி வாகனம்
வந்து நிற்கையில்
முதலில்
வெளியே வருவது
School bag பின்பு
Lunch bag அதன் பின்னே
சோர்ந்து
பெலனில்லா நிலையில்
கூண்டை விட்டு
வெளியேறும்
பறவை போல இறங்கி வரும்
மழலையிடம்
வெளிப்படுமா திறமைகள்!

வீட்டிற்கு வந்ததும்
ஸ்நாக்ஸ் கொடுத்து முடித்து
Home Work
என்ற சுமையை
இரவு உணவு வரை
சுமக்கும் பிஞ்சிடம்
வெளிப்படுமா திறமைகள்!

உறவினர்களின்
உறவுகள் கூட
புகைப்படத்தில் மட்டுமே
சுட்டிக்காட்டி
விடுமுறை நாட்களிலும்
Special Coaching
சென்றிடும் மழலை
மொட்டுக்களிடம்
வெளிப்படுமா திறமைகள்!

கல்வி
காத்திடும் ஆயுதமா?
அழித்திடும் ஆயுதமா?
கல்வி மட்டுமே
கட்டாயம் என்ற நிலை மாறி
"மாலை முழுதும் விளையாட்டு"
என்ற பாரதியின் வரிகள்
நிறைவேற்றிடும்
குழந்தையிடம் மட்டுமே
திறமைகள் விதைக்கப்படுகின்றன..!