நினைத்தால்

கடவுளை நினைத்து கவிதை எழுதலாம் என்று நினைத்தால்
நம்மை காப்பாற்றுவது என்னவோ
மருந்தும் மாத்திரைகளும்தான்

இயற்கையை நினைத்து எழுதலாம் என்று நினைத்தால்
இருப்பது என்னவோ
ஓங்கி உயர்ந்த கம்பனிகளும் டவர்களும்தான்

நட்பை பற்றி எழுதலாம் என்று நினைத்தால்
எனக்கு அமைந்தது என்னவோ
சுயநல நண்பர்கள்தான்

காதலை பற்றி எழுதலாம் என்று நினைத்தால்
இந்த நாகரிகம் சொல்வது என்னவோ
நான் இருபது வருடம் பின்னாடிதான்

வாழ்க்கையை பற்றி சொல்லலாம் என்று நினைத்தால்
என்னை பெற்றதற்கும் நான் பெற்றதற்கும்
காரணம் என்ன என்று எனக்கே தெரியவில்லை .

அதனால் என் கவலையை கவிதை ஆக்கிக்கொள்ளுங்கள் .