எழுத மறுக்கும்
தேர்வுக்குச் செல்வோம்
தேர்வு நேரம் முடிந்த பின்
எழுதுகோல் எழுத மறுக்கும்
எழுதும் போது பாதியில்
வினாத்தாளை மறைக்கும்
வினோதமான படலம்
பள்ளி செல்லும் வழியில்
பாதை தனை மறப்போம்
வீடு வர நடந்தால்
வேறிடம் செல்லும் - நம் வீடு
"ஆ" என அலறுவோம்
அலறல் ஒலி வெளி வராது
ஓடிப் போக எத்தனிப்போம்
ஓரிடத்திலேயே ஓடிடுவோம்
இத்தனை இடர்களில்
ஏதாவது ஒன்றை
அத்தனை பேரும்
அடைந்திருப்போம்.....
சிறு வயது கனவில்.
🌺இன்னிலா🌺
