முயற்சி

வானைத் தொட
மனிதன் மனதில்
நுழையக்கூடாத ஆமைகள்
இயலாமை முயலாமை
பொறாமை நேரம் தவறாமை
இல்லாமை கல்லாமை
வறுமை வராமை

படிக்கும் வயதில்
செல்வியின் பின்னால்
சென்றால் ஹனி மூனுக்கு செல்லலாம்
கல்வியின் பின்னால்
சென்றால் தனியாகவே மூனுக்குச் செல்லலாம்

உலகத்துப் பூக்களில்
உயர்ந்த பூ உழைப்பு
அதை உன்னதமாய்ப்
பறிக்காவிடில்
அது உன் தப்பு

உன் ஒவ்வொரு
துளி வேர்வைக்கும்
பயன் துளிர்விட்டு
வேர்வைக்கும்
அதில் உன் பேர்வைக்கும்


கஜினியின் முயற்சி
இந்தியாவின் மணலைப்பிடித்தது
ரஜினியின் முயற்சி
இந்தியர்கள் மனதைப்பிடித்தது

தமிழர் அகத்தைப் பிடித்து
தமிழகத்தைப் பிடித்தது
எம் ஜி ஆரின் முயற்சி
புது வைரமாய்ப் பிறந்து
புதுவையைப் பிடித்தது
என் ஆரின் முயற்சி

இந்தியத் தலைநகரைப்
பிடித்தது சாமான்யன்
தீயானதன் முயற்சி
இந்தியாவையே பிடித்தது
சாதாரன டீ விற்றவரின் முயற்சி

வெற்றியின் விதை
முயற்சி
தோல்வியின் விதை
அயர்ச்சி
விடாது செய்தால்
பயிற்சி
எளிதில் கிட்டும்
உயர்ச்சி

சிற்பியின் முயற்சி
சிலையாகிறது
சிலந்தியின் முயற்சி
வலையாகிறது

சீற்றங்களின் முயற்சி
அலையாகிறது
சிந்தனையின் முயற்சி
கலையாகிறது

கற்களின் முயற்சி
மலையாகிறது
பூக்களின் முயற்சி
மாலையாகிறது

சிலை , வலை ,அலை ,கலை
அனைத்தும் முயற்சியின் பரிணாமங்களே

அரும்புகளின் முயற்சி
காட்டில் பூக்கள் நிறைகிறது
எறும்புகளின் முயற்சி
வீட்டில் இனிப்புகள் குறைகிறது

மனிதா
வலக்கையும் இடக்கையும்
எதற்கு ?
மனதில் நம்பிக்கை
இருக்கும்போது உனக்கு ...

இயலாதென்று
முயலாது விட்டுவிடாதே
முயற்சித்துப்பார்
முட்களும் உன்னை முத்தமிடும்

பூக்களைத்தேடியே
ஈக்கள் வரும்
வெற்றி என்ற ஆண் ஈ
முயற்சி என்ற தேன் ஈயைதேடியே வரும்

முயல் ஆமை கதையில்
முயலையே ஓட்டத்தில்
ஆமை வெல்வது
முயற்சியின் வெள்ளமே

முயற்சித்து நாமும்
தோல்வியினை வெல்லலாமே ....
மகிழ்ச்சியினை கொள்ளலாமே ...