தன்னம்பிக்கை

சிற்றெறும்பைப் பார் சிந்தனை விரிந்திடும்
சேமித்திடும் குணமும் வளர்ந்திடும் - தம்மை
சேர்ந்து உழைத்திட செய்திடும் - நம்
வாழ்வில் பற்றிய துன்பங்கள் எல்லாம்
மறந்து வாழ்க்கை சிறந்திடும் - சோம்பலும்
மனதை விட்டு பறந்திடும்

ஒருவழி நடந்து நேர்மை கொண்டால்
உயர்வு தானாய் வந்திடும் - இந்த
உலகம் நம்மை போற்றிடும் - உடல்
வலிமை கொண்டு உழைத்து வந்தால்
வறுமை என்பது விலகிடும் - நம்
வாழ்க்கை என்றும் சிறந்திடும்

அயராமல் நாளும் முயற்சி செய்தால்
அதுவே வெற்றிக்கு வித்தாகும் - உணர்ந்திடு
அதுவே நமது சொத்தாகும் - இந்த
உலகில் கிடைத்திடும் புகழ் எல்லாம்
உழைக்கும் மனிதருக்கே உரித்தாகும் - சற்றிதை
உணர்ந்திடு சரித்தரம் உனதாகும்

ஆக்கம்: வேல்பாண்டியன் கோபால்