மழை நீர் உயிர் நீர்
மழை நீர் உயிர் நீர்
மனிதா ! மழை நீர் உயிர் நீர் என்று
மாதவர் சொன்னதை மறந்தாயோ !
கார்மேகம் தந்த அமிழ்தமாம் மழை நீர்
பார் முழுவதும் பாட்டில் பத்துரூபாய் !
மாக்களைப் போல் மழைநீரை மாசுபடுத்தினாய் !
இனியும் என்ன இருக்கிறது மாசுபடுத்த ?
தாய்ப்பாலைத் தவிர ! அந்தத்
தாய்ப்பாலும் நஞ்சாகிவிட்டது தரணியில் !
அசோகர் மரம் நட்டார் என
வரலாற்றில் மட்டுமே
வரலாறு படைத்துக்கொண்டிருந்தால் நம்
வாழ்வின் பயன் தான் என்ன?
ஒரு மரம் நடக்கூட யோசிக்க நேரமின்றி
ஓராயிரம் மரங்களை அழிப்பதேன் ?
ஆடம்பர வாழ்க்கைக்காக உயிர்வளியாம்
ஆக்சிஜனின் தாயான கவின்மிகு
அமேசான் அடவியையே அழிக்கத் துணிந்தாயே ?
உயிர்வளி உயிர் நீர் விளைக்களம்
அனைத்தையும் அடியோடு அழித்துவிட்டு
நாளை உன் சந்ததியருக்கு
எதை விட்டுச் செல்லப்போகிறாய் ?
வெறும் காகிதங்களாம் ரூபாய் நோட்டுக்களையா ?
வெற்றுப்பேச்சு வேண்டாம்
வீறு கொண்டு விரைந்து வா !
மாற்று உலகம் படைப்போம் !
மரம் நடுவோம் !
மும்மாரிக்கனவை உறுதியாக்குவோம் !
பெற்ற மாரியைப் பேணிக்காப்போம் !
பாரியூர் தமிழ்க்கிளவி
