மனம்

ஓட்டமாய் ஓடும் காலத்தில் வாட்டம் -
ஓய்வில்லையே என்று,
ஓய்வு பெற்ற பின்பும் வாட்டம் -
வேலை இல்லையே என்று!
காசில்லா காலத்தில் கவலை -
காபி குடிக்கக் கூட காசில்லையே என்று,
காசு கொட்டிக் கிடக்கும் போதும் கவலை
காபியில் சர்க்கரை போட முடியவில்லையே என்று!
உற்ற நண்பனுடன் வாயாடுகையில் வருத்தம்-
சற்றே வாழ்வில் சாதிக்கவில்லையே என்று,
மற்றோரெல்லாம் சாதனையாளன் என்ற போதும் வருத்தம்-
சாதனையின் அர்த்தமே கேள்விக்குறி ஆனதால்!

வேடிக்கை மனம்,
வினோத மனம்,
நிலையில்லா மனம்,
இவ்வளவு தான் மனம்-
மனிதவாழ்வை போலே!