வட்டியை சாடும் அல்-குர் ஆன்

பெரும் பாவங்களில்
வட்டியும் ஒன்று
வட்டி வாங்காமல் இருத்தலே
மிக மிக நன்று.!
௦
வாங்கியோர் மீள முடிவதில்லை
கொடுத்தவர் ஆள முடிவதில்லை
௦
உதிரம் உறிஞ்சும்
அட்டைப் பூச்சியை விடவும்
உழைப்பை உறிஞ்சும்
வட்டி மிகக் கொடுமையானது
அதற்கு
தண்டணையோ
மிக மிகக் கடுமையானது
௦
ஏழ்மையை ஏமாற்றும் வட்டி
எந்த வகையிலும் நியாயமாகாது
௦
வறுமையை சுரண்டி
வாயில் போடும்
வட்டியால் வரும்
வசதி நிலைக்காது
௦
வட்டியினால் குட்டி போட்ட
செல்வங்கள் அழிக்கப்படும்
௦
பிச்சையிலும் கேவலம்
எச்சையெனும் வட்டி
௦
வட்டி வாங்கி
வயிறு புடைத்தவன்
மறுமையில்
பைத்தியக் காரனாக
எழுப்பப் படுவான்
௦
அன்றியும்
வட்டிக்கு கணக்கு எழுதியோர்
வட்டிக்கு சாட்சி பகன்றோருக்கும்
இந்த பாவத்தில் பங்குண்டு
௦
பணத்தின் விபச்சாரம்
இந்த வட்டி
௦
வட்டியெனும் மாபாவத்துக்கு
தொண்ணூற்று ஒண்பது வாசல்கள்
அதில் மிகவும் கேவலமானது
தாயுடன் விபச்சாரம் செய்தது போன்றது
இந்த வட்டி
௦
தெரியாமல் செய்யும்
பாவமல்ல இந்த வட்டி
நன்கு திட்டமிட்டு தெரிந்தே
செய்கின்ற மாபாதகம்
௦
பாவமென்று தெரிந்தும்
வட்டி குட்டி போடுமென்று
நினைத்தால்..
குட்டி போடுவது பாவங்கள் தான்
௦
வட்டியால்
ஏழை மேலும்
ஏழையாகிறான்
௦
வட்டி வாங்குபவனோ
உழைப்பை மறந்து
சோம்பேறியாகிறான்
௦
உழைப்பை ஊக்கப் படுத்தி
பாவத்தை வண்மையாக
கண்டிக்கிறது அல்-குர் ஆன்
௦
இப்படியொரு இழிவான பாவத்தை
செய்யத்தான் வேண்டுமா?