கனவில்தான் செல்வேன்
இணைந்திடும் எண்ணமுடன்
இருபுறமும் மரக்கிளைகள் !
சீராக செப்பனிட்ட சாலை
நேரான பாதையில் சோலை !
பசுமைக் காட்சியும் தந்திடும்
குளுமை நம் விழிகளுக்கு !
ஏக்கம் ஏறுகிறது எனக்குள்
எப்படியும் பயணம் செய்திட !
தாக்கம் பிறக்குது நெஞ்சில்
தமிழகமும் மாறுமா என்று !
தூரிகை மந்திரம் போன்று
தூசில்லா சாலை நன்று !
நடைபயணம் சென்றால் இதிலே
இடையும் சுருங்கிடும் அன்றோ !
கனவில்தான் செல்வேன் நானும்
நினைவில் நடவாது இங்கே !
பழனி குமார்
