காலத்தை வெல்

காலத்தை வெல்

கலையாது தூக்கம்,
கனவு மட்டும் கண்டால்,
கனவு நிஜமாகும்,
கண்டுபிடி புதிய வழி.

உனக்கொரு அழிவென்றால்,
உயிர் போனால் மட்டுமே.
போர்க்களம் வந்தாகிவிட்டது,
புறமுதுகிட்டு ஓடாதே.
போராளி நீ, போராடு நீ.
நீந்தத் தெரிந்த நம்பிக்கையில்,
நீர்த்தடாகத்தில் இறங்கி விட்டாய்.
தண்ணீர் அதிகமானதும்,
தத்தளிக்காதே.
எதிர் நீச்சல் போடு,
எளிதில் கரை சேர்வாய்.

சோதனையின் பின்தான்,
சாதனை வரும்.
வேதனையின் பின்தான்,
வெற்றி வரும்.
தோற்றுப்போகும் வேளைகளில்,
தேற்றிக்கொள் உன்னை நீயே.

அடுத்தவர்களின் அலட்சியப் பேச்சை,
அலட்டிக்கொள்ளாதே.
கயவர்களை,
கவனத்தில் கொள்ளாதே.
துஷ்டர்களைப் பார்த்து,
தூரம் செல்லாதே.
அதிகார போதையை,
அசை போடதே.
தடை தாண்டுகையில்,
தடுமாறாதே.
போதையில்,
பாதை மாறாதே.

முயற்சி தான்,
உன் மூச்சு.
தன்னம்பிக்கையை,
தன்னுயிராய் கொள்.
விடாமுயற்சியை,
விட்டுகொடுக்காதே.

எழுந்து நில்,துணிந்து செல்.
நிமிர்ந்து நில்,நேர் கொள்.
வியர்வை சிந்து,
வெற்றி காணுவாய்.
இகழ்ந்து பேசிய சமூகம்,
புகழ்ந்து பேசும்.
கல்வெட்டும்,
உன் பெயர் கேட்கும்.
கவனத்தில் கொள்,
காலத்தை வெல்.