உன்னதமானது

உன்னதமானது தொப்புள்கொடி
உறவு மட்டுமா ......??
தொப்புள் கொடியே
மிக மிக உன்னதமானது ....!!

மகிமை அறியா நிலையில்
கொடி வெட்டிய சிலநொடியில்
கிடந்தது குப்பை தொட்டியில் !
மகத்துவம் உணர்ந்த பின்னரோ
காக்கப்படும் அதற்குரிய வங்கியில் ....!!

தொப்புள்கொடி உதிரத்தில்
ஸ்டெம்செல் எனப்படும்
ஆதாரசெல்கள் நிரம்பவுண்டு !
அவற்றின் அருமையோ மிகவாகும் !

தீரா நோய்களை தீர்த்திடலாம்
அழிந்த அணுவையும் உருவாக்கலாம் !
ஸ்டெம்செல் சிகிச்சை வரமாகும்
இனி வருங்காலம் இனிதாகும் !

ஆபத்துகாலத்தில் ஆபத்பாந்தனாய்
அபயம்நானென கைகொடுக்கும் !
தக்கநேரத்தில் கண்டுபிடித்து
ஸ்டெம்செல்சிகிச்சை கொடுத்துவிட்டால்
காலன்கூட தருணம்பார்த்து
காத்திருக்க வேண்டியதுதான் ...!!

அசரவைக்கும் அறிவியல்வளர்ச்சி
அதிலொன்றே ஸ்டெம்செல்சிகிச்சை !
திட்டமிட்டு தொப்புள்கொடியை
உரியமுறையில் பாதுகாப்போம்
வியாதிகள்வந்தால் விரட்டியடிப்போம் ...!!