தோழி

விளையாட்டாய் தொடங்கிய
பேச்சு விதையாய் விழுந்து
இன்று மலர்ந்தது
நம் நட்பு

உன் கோவத்திலும்
சிறு அக்கறை கண்டேன்....
உன் குழந்தை பேச்சிலும்
ஒரு வெள்ளந்தி மனம் பார்த்தேன்...

முகம் பாரா உன்னுடன்
கைகோர்க்க எண்ணினேன்
வாழ்நாள் முழுவதும்
ஓர் தோழனாய்....

நான் துவளும் போது
சாய்ந்துகொள்ள தோளாகவும்,
நான் சரிந்து விழும்போது
தூக்கிவிடும் கைகளாகவும்
நீ இருக்க வேண்டும்...

வாழ்க்கை சக்கரம் சுழல
பாதைகள் மாறி போனாலும்,
நடை தளர்ந்த பொழுதிலும்
ஊன்றுகோலாய் நீ இருக்க வேண்டும்..

நாம் இந்த உலகை பிரிந்தாலும்,
நம் பிள்ளைகள் கைகோர்த்து
நட்பாய் இருக்கட்டும்....