தேடுகிறேன்
வீட்டு முற்றத்தில்
விளையாடிய அணில்…
போட்டோ பிரேமுக்கு பின்னால்
கூடு கட்டிய குருவி…
அந்தி சாயும் வேளையில்
மரத்தில் கூடும் காக்கைகள்…
ஈர வயல் வெளியில்
இறக்கி விடப்பட்ட வாத்துகள்…
அக்கா எனும் சத்தத்திற்கு
எதிர் மொழியும் அக்கா குருவி…
கட்டிய கால்களுடன்
கல்யாணி பாடும் கழுதை…
துள்ளிக்குதித்து ஓடிவந்து
கால்களை முட்டும் ஆட்டுக்குட்டி…
சிறுபிள்ளையில் கைகளில் பிடித்து
விளையாடிய கலர் கோழிக்குஞ்சு…
வாழைப்பழம் ஊட்ட,
வாயப்பிளக்கும் மைனா…
உள்ளங்கை கிள்ளி
உணவை கொறிக்கும் கிளி...
சட்டென மனதில்
ஒட்டிக்கொள்ளும்
அனைத்தும் தேடி...!!!
