எங்கே எனது நெஞ்சம்

எங்கே என் புன்னகை

எவர் திருடிச் சென்றது

எங்கே என் கண்கள்

எவர் பறித்துச் சென்றது

எங்கே என் மனது

எவர் வென்று சென்றது

எங்கே என் சுவாசம்

எவர் நெஞ்சில் வாசம் !!


எங்கே என் மென்மை

எவர் கண்டு சிலிர்த்தது

எங்கே என் கவிதை

எவர் கண்டு கனிந்தது

எங்கே என் பெண்மை

எவர் கண்டு உயிர்த்தது

எங்கே என் வெட்கம்

எவர் கண்டு ஒளிந்தது

எங்கே என் துக்கம்

எவர் கண்டு தொலைந்தது !!!


எங்கே என் மேகம்

எவர் வந்து மறைத்தது

எங்கே என் கண்ணீர்

எவர் பருகிச் சென்றது

எங்கே என் எண்ணங்கள்

எவர் சுற்றிச் செல்லுது

எங்கே என் நெஞ்சம்

எவர் நெஞ்சில் தஞ்சம்…..!!!