விடியல்

கொட்டும் பனித்துளிகள் கொஞ்சம்
கொஞ்சமாய் இருளைக் கரைக்க முயல ,
மஞ்சள் வானில் மெல்லச் சூரியனைப் பெற்றெடுக்கும் மேகங்கள் !
சற்று முன் பிறந்த மழலைச் சூரியன் ,தாய் மடியில் மெல்லக்
கண்திறந்து,
ஆழிதனில் முகம் பார்த்து,
ஆனந்தமாய்த் தன் கரங்கள் நீட்டி கடல்தனை அள்ளத் துடிக்கும் !
கதிர்க் கரங்கள் ஆழியைத் தழுவ ,
உல்லாசமாய் அலைவீசி மழலையைக் கொஞ்சும் நீலக்கடல் !
பறவைகள் ஒன்றாய் கீதம் இசைக்க ,
மலர்கள் பல வாசம் தெளிக்க ,
இன்பமாய் விடியும் "இனிய விடியல்" .... !