தெனமும் மண்சோறு
என்னண்ணே உங்க தலைவரு தெனமும் ஏதாவது ஒரு கோயிலுக்குப் போய் மண் சோறு சாப்பிடறாராம்?
ஆமாண்டா தம்பி. தலைவரு இதுவரைக்கும் கிராமப் பக்கம் உள்ள தொகுதி ஏதாவது ஒண்ணுலே நின்னு ஜெயிக்கறது தான் வழக்கம். ஆனா வர்ற 2016 சட்டமன்றத் தேர்தலிலே 5 மாநகாரங்களில் உள்ள ஏதாவது ஒரு தொகுதில்ல நின்னு ஜெயிக்கணுமாம். அதுக்குத் தான் இந்த தினம் மண்சோறு சாப்பிடும் வேண்டுதல்.
எப்பிடி திடீர்னு இந்த முடிவை எடுத்தாரு?
கிராமத்து மக்களுக்கும் நகர வாசிகளுக்கும் தேர்தலப் பொருத்தவரை இப்போ வித்தியாசம் இல்லையாம்.
பரவாயில்லப்பா. எம்.ஜி. ஆருக்கு இல்லாத துணிச்சல் உங்கள் தலைவருக்கு இருக்கு. அவுரு தி.மு.க-வில் இருக்கும் வரை பரங்கிமலைத் தொகுதில்ல நின்னு ஜெயிச்சாரு. தனிக் கட்சி ஆரம்பிச்சதுக்கப்பறம் கிராமப் பக்கம் தான் போனாரு.
