மஞ்சுள மேனியளை வாழ்த்து

சஞ்சலம் தீர்க்கும் சமய புரத்தாளை
நெஞ்சுருக வேண்டிடில் நிம்மதி கிட்டிடும்
தஞ்சமடைந் தால்காப்பாள் தாய் .

மஞ்சள் முகத்தாள் மலர்ப்பதம் பற்றிடில்
வஞ்ச மகலும் வருந்துயர் தோற்றோடும்
பஞ்சம் விலகும் பயந்து .

கஞ்ச மலரால் கனிவுடன் அர்ச்சிக்க
அஞ்சே லெனவே அபய மளித்திடும்
மஞ்சுள மேனியளை வாழ்த்து .


வெள்ளொத் தாழிசை
```````````````````````````````
சிந்தியல் வெண்பாக்கள் மூன்று சேர்ந்து ஒரே பொருளைத் தாங்கிவரின் அதனை வெள்ளொத் தாழிசை என்பர். ஒரு கருத்தை அடியொற்றி மூன்று சிந்தியல் பாக்கள் புனைதலே வெள்ளொத் தாழிசை எனவும் கொள்ளலாம்.