கவித்துளிகள்
அடம் பிடித்து அழும்
ஐந்து வயது குழந்தை
வெளியே ஆலங்கட்டி மழை
******************************************************
பழைய மின்விசிறிதான்
காற்றுக்கு குறைவில்லை
படபடக்கும் வெள்ளைத்தாள்
*******************************************************
பட்சியின் குக்குக்கூ
கதவுக்கு வெளியே
யாரோ
********************************************************
விடிகாலை விடா மழை
நனையும் தோட்டத்துப் பூமரக் கிளை
காத்திருக்கும் ஒற்றைப் பறவை
*********************************************************
பரிமாறிய விருந்து
வரத்தயங்கும் விருந்தினர்
மரக் கிளையில் காகம்
*********************************************************
அடம்பிடித்து நேற்றுத்தான் வாங்கினது
அண்டாமல் கூடத்தில் பொம்மை கிடக்குது
பாவம் மின்கலம் தீர்ந்துபோனது
**************************************************************
