என் தந்தைக்காக
வீசும் காற்றாய் உணர்கிறேன்
என்றும் உன்னை பார்கிறேன்
நெஞ்சில் கொண்ட உறவோ - இது
இமைகள் ஈரம் கொட்டும் இரவோ
இறைவா உந்தன் நியாயம்தானோ
என் தந்தை கொண்ட விதியோ
நின்றுபோன தென்றலாய் – உறக்கம்
கொள்கிறாய் இந்த மண்ணிலே
மீண்டும் இங்கு வருவாயோ - எங்கள்
இழப்பை மீட்டுத்தருவாயோ ...
விடியலை தொலைத்து விட்டோம் - இனி
இரவுகள் மட்டுமே பயணமாகுமே
வர்ணமில்லா ஓவியம் – உன்னை
யார் கிழித்து போட்டது
இதயம் இன்று வலிக்குது – என்ன
பதில் சொல்ல கேட்குது
கைபிடித்து உன்னோடு நடந்த வழிகளின்
தூரம் இன்னும் முடியவில்லையே
வழிநிறுத்தி வலிகளை தந்துவிட்டு
எழமுடியா உறக்கம் காண்கிறாயே
பள்ளிசென்ற காலங்கள் - என்னோடு
பக்கம் நீயருந்த தருணங்களும்
உருக்கத்தோடு நீ பகிர்ந்த – உன்
வாழ்க்கை பயணத்தின் சுவடுகளை
எண்ணிக்கொண்டிருக்கிறேன் தனிமையில்
கலங்கிகொண்டிருக்கிறது எனது விழிகள்
தவிக்கிறேன் தந்தையின்றி - இறைவா
நீ இல்லாமல் போனாயோ
நினைவுகளை மட்டும் கொடுத்துவிடு
என்னோடு நீங்காமல் இருக்கட்டும் .....
என்னைவிட்டு நெடுந்தூரம் சென்ற என் தந்தைக்கு சமர்ப்பணம்
