ஹைக்கூ துளிகள் 2
மின்னல் வெட்டுகள்
சூடு இன்னும் தணியவில்லை
ஏழையின் வயிறு
****
கூரைமேல் ஏறி ஓட
எட்டியும் வெளியே பார்க்கவில்லை
இரவில் மழை
****
காலை கதிரவன்
ஒளி ஊடுவுருவ முடியவில்லை
பனிமூட்டம்
****
எல்லோரும் இந்நாட்டு மன்னர்கள்
சொன்னவர்களில் பல மன்னர்கள்
ஜனநாயகம்
****
நாளும் மாற்றம் தோற்றத்தில்
இருந்தும் நான் மாறாதவள்
வான்நிலவு
*****
மின்சாரம் துண்டிக்கப்பட்டது
இரவும் அழகாய் தெரிந்தது
மெழுகுவர்த்தி ஒளியில்
****
ஒட்டடை அடித்தும்
தெளிவாக தெரியவில்லை
அசைபோடும் நினைவுகள்
****
வீடும் நாடும் கடந்தேன்
நாளைய ஒளி தெரியவில்லை
நாளும் நகர்கிறது
***
கனவில் பல வெற்றிகள்
களிப்புடன் கொண்டாட்டம்தான்
அலுப்பு இன்னும் தீரவில்லை
*****
அரசனாகிருக்க ஆசை
காலை சலூன் சென்றேன்
எப்போது போல் இப்போதும்
- செல்வா
