அணையட்டும் சாதீ
பாழாய்ப்போன சாதிவெறி -
பள்ளியிலே தொடருதே !
பகைமட்டும் தீரல -
பசுமையாக வளருதே !
சாதி பேரைச்சொல்லியே -
சர்க்காரும் நடக்குது !
எதிர்த்து கேட்ட யாவரையம் -
எதிரியாக பார்க்குது !
சனமெல்லாம் சாகுதே;
சாதி வெறியில் கருகுதே !
எறியும் நெருப்பும் அணையுதே;
ஏழு ஜென்மம் தொடருதே !
இலக்கு வைத்து அழிக்கிறான் !
இன வெறியில் அலையிறான் !
இதயம் ஒன்று இருப்பதையும் -
இருட்டுக்குள்ளே அடைக்கிறான் !
நெருப்பை விட வேகமாக -
உலகெங்கும் பரவுது !
நெருங்கி செல்லும் யாவரையும் -
நேர்வழியும் மறைக்குது !
காட்டுத்தீயாய் பரவுவதை -
கட்டுக்குள்ளே வைத்திட !
கருணை உள்ளம் வேண்டியே -
கடவுளிடம் கை ஏந்துவோம் !
