அனுதின நிலை

சந்தம்:
தனதன தானத் தனத்த தனதன
தனதன தானத் தனத்த தனதன
தனதன தானத் தனத்த தனதன - தனதானா


வழிமுறை யாதும் அறிந்து அவளடி
தொடரவும் யாதும் மறக்கும் - அவளது
முடிவறி யாமல் பதைக்கும் அனுதின நிலைதானோ

தேடும்வழி தூரம் தெரிந்தும் முழுமதி
முகமதில் மோகம் துரத்த - தினமதில்
உளமது தேடும் உரைக்கும் அனுதின நிலைதானோ

உடையது மாறும் உறக்கம் குலையுது
கருவளை காணும் கருங்கண் களதுவும்
தடையது தானும் நெறிக்கும் அனுதின நிலைதானோ

அழகுனைக் கூறும் அனைத்தும் அழகடி
அடைமழைக் காணும் மனத்தில் தினமடி
உறவதில் கூடும் மணத்தில் அனுதின நிலைதானோ

- செல்வா