”சட்டம்”
வருடங்கள் பல கடந்து போனதால் -
சட்டத்திற்கும் வயதாகிறதோ ?
ஆளும் கட்சியின் ஆட்டத்திற்கேற்ப -
வளைந்து கொடுக்கிறதே !
புதிய சட்டம் வருவதெப்போ ?
வளைந்த சட்டம் நிமிர்வதெப்போ ?
பணம் எனும் மாயையில் -
தீர்ப்புகளும் தடுமாறுகிறது !
உண்மையும் -
ஊமையாகிறது !
ஏட்டுச் சுரைக்காய் -
கறிக்கு உதவாது !
எழுதிவைத்த சட்டமும் -
எட்டா கனியானது !
மக்கள் எழுச்சி -
மலையளவு வளர்ந்தாலும் ;
மாற்றம் மட்டும் வருவதில்லை !
கண்களை கட்டியிருப்பது -
கருப்பு துணி என்பதாலா ?
புரிந்து கொண்டேன் !
வாய்மையே வெல்லும் -
வசதி இருந்தால் மட்டுமே !
