ஹைக்கூ கவிஞர் இரா இரவி
ஹைக்கூ ! கவிஞர் இரா .இரவி !
கூப்பிடு தொலைவில்
உலகம்
அலைபேசி !
இல்லை அன்று
இன்றைய அறிவியல்
வாய்ப்பில் இளையோர் !
அடங்கியது
உலகம்
அலைபேசிக்குள் !
அழிந்து விடுகின்றன
அலைபேசி மாற்றுகையில்
முக்கிய எண்கள் !
எழுந்துநின்று மாலையிடும் மணமகள்
அமர்ந்தபடி மாலையிடும் மணமகன்
அரங்கேற்றம் ஆணாதிக்கம் !
கூறிடுவர் யாரென்று
குரலை வைத்தே
பார்வையற்றோர் !
விலைவாசி ஏற்றம்
விலை வாசிக்கலாம்
வாங்க முடியாது ஏழை !
சகல வசதியுடன்
பணக்கார வீட்டில்
நாய் !
மனிதரை விட
பணத்தையே மதிக்கின்றனர்
உறவினர் !
ஆறு அறிவு குறைந்து
ஐந்தாகி விடுகின்றது
சிலருக்கு !
அடிமேல் அடி விழுந்தும்
திருந்தாதவர்கள்
மனித மிருகங்கள் !
பத்தும் செய்த பணம்
முடிவில் தருகிறது
சிறை !
