நிறுத்தற்குறியீடு

"மேற்கோள்குறி" கொண்டு ஆரம்பிக்கும் நம் வாழ்க்கை
நட்சத்திரக்குறி* கொண்டு நம் தவறுகளைத் திருத்திக் கொள்கிறோம்
காற்புள்ளி, கொண்டு நம் குற்றங்களைப் பலர் பிரித்து சுட்டி காட்டினாலும்
முக்காற்புள்ளி: கொண்டு விளக்கி
அரைப்புள்ளி; கொண்டு நம்முள் இருக்கும் நற்குணங்களை வெளி கொண்டு வருகிறோம்
இணைப்புக்குறி& கொண்டு இன்பங்களையும் துன்பங்களையும் சேர்த்து பழகுகிறோம்
உடைமைக்குறி' கொண்டு உரிமை கொண்டாட பழகினால்
கேள்விக்குறி? ஆகிவிடும் நம் வாழ்க்கை
ஆதலால் அனைவரும் ஆச்சரியக்குறி ! கொண்டு அனைவரும் வியக்கும் அளவிற்கு
வாழ்க்கையை முற்றுப்புள்ளி . வைத்து முடிக்காமல் தொக்கிக்குறி .... கொண்டு தொடர்வோமாக