சூரியனும் சூரியகாந்தியும்
உன் விழி வழி வருகிற ஒளியினால்
மொழி பெற்றவள் தான் நான் -
எனினும்
பரந்த உன் கதிர்கள்
விரிந்த என் இதழ்களுக்கானது
அல்ல...
உன் வாசத்தினால் சுவாசம்
பெற்றவள் தான் நான் - எனினும்
உன் வாசம் என் தேசம் வருவது
என் சுவாசத்திற்கானது அல்ல...
என்றுணர்ந்த பின்பும் - என்
எதிர்பார்ப்புகளின் ஏணிப்படிகளை
எண்ண கூட முடியவில்லை-
என்னால்
உலகிற்கு கதிரவன் ஆன நீ - என்
ஒருத்திக்கு மட்டும் புதிரவன்
ஆனாய்
புதியவனும் ஆனாய்....
தெரிந்த மொழியினை கூட
தெரிய படுத்த வழியின்றி
உதிர்ந்து போகிறேன் ஊமையாகி
உன் மறுநாள் உயிப்பில்.......
