சிந்தனைக் கவிதை
🔥🔥🔥🔥🔥🔥🔥🔥🔥🔥🔥
*கவிதை*
படைப்பு *கவிதை ரசிகன்*
குமரேசன்
🔥🔥🔥🔥🔥🔥🔥🔥🔥🔥🔥
இன்று...
நாளிதழ்கள்
தினமும் வெளிவருகிறது
இரத்தக் கறையோடு...!
💥💥💥💥💥💥💥💥💥💥💥
"மேலாடை இல்லாத"
சினிமா நடிகைகளே!
"வாரப் பத்திரிகைகளுக்கு" மேலாடையாக..!
💥💥💥💥💥💥💥💥💥💥💥
யானை
காட்டில்
இருக்கும் வரை....
"மதம்"
பிடிக்காமல் தான் இருந்தது...!
💥💥💥💥💥💥💥💥💥💥💥
"இரட்டை கிளாஸ்" முறையை வைத்திருக்கும்
தேநீர் கடைக்காரனே!
ஏன்
ஒன்றாக வைத்திருக்கிறாய்
"காசு போடும்
பெட்டியை மட்டும்..?"
💥💥💥💥💥💥💥💥💥💥💥
அன்று
"ஆண் பிள்ளை" என்பதைப்
"புலியைப் பிடித்து" நிரூபித்தனர்...
இன்றும்
நிரூபிக்கின்றன
"புகைப்பிடித்து...."
💥💥💥💥💥💥💥💥💥💥💥
இயக்குனர்களே!
நடிகைகளை
படப்பிடிப்புக்கு
வரும்போது
வீட்டிலேயே
குளித்து விட்டு
வரச் சொல்லுங்கள்...
படத்தில் வந்து 'குளிப்பதால்'
ரசிகர்களின் மனம்
'அழுக்காகிறது'
*கவிதை ரசிகன் குமரேசன்*
🔥🔥🔥🔥🔥🔥🔥🔥🔥🔥🔥
