வரம்

நடப்பது யாதென கேட்டேன்..
அனைத்தும் நலமே என்றான்..
என் நினைவுகள் சரியோ என்றேன்..
அனைத்தும் சுகமே என்றான்..
அறிவு திறம்படவில்லை என்றேன்..
அனுபவம் பெரிதாம் என்றான்..
தலையாட்டி பொம்மை யானென் என்றேன்..
எட்டைய புரத்தானின் ஏட்டை கொஞ்சம் நுகர்ந்து செல் என்றான்..
பயம் களைய வேண்டுவன கேட்டேன்..
வாழ்வு ஒரு முறையே நினைவில் கொள் என்றான்..
தயக்கம் தப்பிச்செல்ல வழி கேட்டேன்..
ஏட்டில் பொறியப்போவது உன் கவிதை என்றான்..
சகலமும் சொல்ல நீ யார் என்றேன்..
உன் சப்தநாடி தந்த அர்த்தநாரி என்றான்.