துர்ச்சனருக்கு அங்கமுழுதும் விடமேயாம் - நீதி வெண்பா 18
நேரிசை வெண்பா
ஈக்கு விடம்தலையில் எய்துமிருந் தேளுக்கு
வா’ய்’க்கும் விடம்கொடுக்கில் வாழுமே - நோக்கரிய
பைங்கணர வுக்குவிடம் பல்அளவே துர்ச்சனருக்(கு)
அங்கமுழு தும்விடமே யாம். 18
- நீதி வெண்பா
பொருளுரை:
தேனீக்களுக்கு விடம் அவற்றின் தலையிலிருக்கும்;
கொடுமையான துன்பம் தரும் தேளுக்குப் பொருந்திய விடம் அதன் கொடுக்கில் இருக்கும்;
பார்ப்பதற்கும், பார்க்கப் பளபளக்கும் கண்களையுடய பாம்புக்கு விடம் அதன் பல்லிலிருக்கும்;
தீய குணமுடையோர்க்கு அவர்கள் உடம்பு முழுதும் விடமிருக்கும்.
