பன்னிருசீர்க் கழிநெடிலடி ஆசிரிய விருத்தம்

குடிபடையில் அபிமானம், மந்திரா லோசனை,
குறிப்பறிதல், சத்யவசனம்,
கொடைநித்தம் அவரவர்க் கேற்றமரி யாதைபொறை,
கோடாத சதுருபாயம்

படிவிசா ரணையொடுப்ர தானிதள கர்த்தரைப்
பண்பறிந் தேயமைத்தல்,
பல்லுயி ரெலாந்தன் உயிர்க்குநிக ரென்றே
பரித்தல்,குற் றங்களைதல்,

துடிபெறு தனக்குறுதி யானநட் பகமின்மை,
சுகுணமொடு, கல்வியறிவு,
தோலாத காலமிடம் அறிதல்,வினை வலிகண்டு
துட்டநிக் ரகசௌரியம்,

வடிவுபெறு செங்கோல் நடத்திவரும் அரசர்க்கு
வழுவாத முறைமையிதுகாண்
மயிலேறி விளையாடு குகனேபுல் வயல்நீடு
மலைமேவு குமரேசனே! 3

- குருபாததாசர் என்ற முத்துமீனாட்சிக்

மேலும்

'ஒன்று முதல் பதினெட்டு வரை அடைசொல் இல்லாமல் அமைத்து ஒரு வெண்பா இயற்றுக’ என்றார் ஒருவர்.

ன், ண் மெல்லின எதுகையமைந்த நேரிசை வெண்பா

ஒன்றிரண்டு மூன்றுநான்(கு) ஐந்தாறே ழெட்டுடன்
ஒன்பதுபத் துப்பதி னொன்றுபன்னி - ரண்டு
பதின்மூன்று னான்குபதி னைந்துபதி னாறு
பதினேழ் பதினெட்டு பார். 76

- கவி காளமேகம்

பொருளுரை: இவ்வெண்பாவில் கண் முறையே ஒன்று முதல் பதினெட்டு வரையும் வந்தமை காண்க.

மேலும்

அறுசீர் கழிநெடிலடி ஆசிரிய விருத்தம்
(விளம் மா தேமா அரையடிக்கு)
(விளம் வருமிடங்களில் மாங்காய்ச் சீர் வரலாம்)

ஏலிராட் டினவூஞ் சற்கண்
..ணேரியே சுற்றுங் காலை
மேலவர் கீழுங் கீழோர்
..மேலுமாய்ச் சுழலல் போல
ஞாலமீ தின்று யர்ந்தோர்
..நாளையே வறிய ராவர்
சீலநெஞ் சினர்கீ ழோரைச்
..சினந்திக ழார்கள் மாதோ. 4

- உயர்ந்தோர் தாழ்ந்தோரைத் தாங்கல்
-மாயூரம் வேதநாயகம் பிள்ளை பாடல்

பொருளுரை:

”மேலும் கீழும் சுழன்று இயலும் இராட்டின ஊஞ்சலில் ஏறிச் சுற்றும் பொழுது மேல் தட்டில் உள்ளோர் கீழும், கீழ்த் தட்டில் உள்ளோர் மேலுமாய்ச் சுற்றுவது போல, உலகத்தில் இன்று செல்வத்தால் உயர்ந்தோர் நாளைக்கே ஏழையாகலாம். அத

மேலும்

அறுசீர்க் கழிநெடிலடி ஆசிரிய விருத்தம்
(விளம் மா தேமா அரையடிக்கு)
(விளம் வருமிடங்களில் மாங்காய்ச் சீர் வரலாம்)

நயமறங் கல்வி யின்றி
..நனிநிதி யாற்கு லத்தால்
வயதினாற் பெரிய ரென்னல்
..மைந்தர்தந் தைதோ ளேறி
இயலித்தாம் பெரியோ ரென்ன
..இயம்பலுங் காலை மாலை
உயர்நிழ லுள்ளோர் தம்மை
..உயர்ந்தவ ரெனலு மொப்பே. 3

- உயர்ந்தோர் தாழ்ந்தோரைத் தாங்கல்
- மாயூரம் வேதநாயகம் பிள்ளை பாடல்

பொருளுரை:

”முறை, நன்மை, படிப்பு முதலிய உயிர்க்குத் துணையாகும் பொருள்களை அல்லாமல் உடலுக்குத் துணையாகும் பெருஞ்செல்வத்தால், பிறப்பால், வயதால் தம்மைப் பெரியவர் என்று சொல்லிக் கொள்வது, பிள்ளைகள் தங்கள் தந்தையின் தோள்மேல் ஏறித் தங்களைப்

மேலும்

என் அழகிற்குப் பின்னே நான் துடைத்தெறிந்த

உதிரங்களை நீ அறிவாயா

ரகசியம் காத்த குப்பைத் தொட்டி
மட்டுமே அறியும்

விதிவிலக்காய் சிலநேரம்

வேறுயாருக்கும் அனுமதியில்லை
ரகசியம் அறிய

என் அழகை மட்டும் போற்ற
வேண்டி

மேலும்

தோழா... நித்திரையின் கனவில் வரும் இன்பம் துன்பம் எல்லாம்... நீ கண் விழித்தாள் காணாமல் போய்விடும்... உனக்கு ஏற்பட்ட காயங்களைநீ மறந்துவிடு... உன்னை காயப்படுத்தியவர்களை நீ மன்னித்துவிடு... இறந்த காலத்தை நினைத்து நிகழ்காலத்தில் வருந்தாதே...
நாளை நீ ரசிக்க எதிர்காலம் இல்லாமல் போய்விடும்... முட்கள் நிறைந்த செடியில்தான்... அழகிய ரோஜா
மலர்கிறது... உன்னை சுற்றி எல்லோரும் முட்களாக இருந்தாலும்...
நீ அழகிய ரோஜாவை போல் புன்னகையுடன் முன்னேறு... உலகமே உன்னை ரசிக்கும்... விடாமுயற்சியின் மறுஉருவம் நீ என்று... இந்த அழகிய நிகழ்காலத்தில் வாழ்ந்துவிடு...
எதிர்க்கலாம் நாளை
உன் காலடியில்.....

மேலும்

பூவிதழ் கள்குவிய பூவிழி கள்கவிய
பூவிரல் கள்தடவிப் புல்லாங்கு ழல்இசைக்க
தேனருவி யாய்ராகங் கள்பொழிய தேவதையே
நான்காற் றிலாடும்பூ வாய் !

மேலும்

மங்காத முழுநிலவே மாசற்ற பேரெழிலே
அங்கங்கள் செதுக்கிய சிற்பமே - கொங்கையாளே
கண்களிலே காந்தமடி காணக்காண ஏக்கமடி
எண்ணுதே நாளும்மனது உன்னையே


அஷ்றப் அலி

மேலும்

குறள் வெண்செந்துறை

ஆர்கலி யுலகத்து மக்கட் கெல்லாம்
நலனுடை மையின் நாணுச் சிறந்தன்று. 6

சிறந்த பத்து, முதுமொழிக் காஞ்சி

பொருளுரை:

நிறைந்த ஓசையுடைய கடல் சூழ்ந்த உலகத்தில் வாழும் மக்களுக்கெல்லாம் சொல்வது என்னவென்றால், அடாத காரியங்களைச் செய்யக் கூசுந்தன்மை ஒருவன் அழகுடையவனாதலைக் காட்டிலும் மிக்க சிறப்புடையது.

'அணியன்றோ நாணுடைமை சான்றோர்க்கு' (1014 நாண் உடைமை)

ஆதலின், 'நலம் வேண்டின் நாணுடைமை வேண்டும் (960 குடிமை), 'நலஞ்சுடும் நாணின்மை நின்றக்கடை’ (1019 நாண் உடைமை)' ஆதலால் நாணுடைமை நலனுடைமையின் சிறந்ததாம்.

நாணாவது செய்யத் தகாதனவற்றிற்கு உள்ளம் ஒடுங்குதல்.

மேலும்

னேரிசை வெண்பா

கனைகடல் தண்சேர்ப்ப! கற்றறிந்தார் கேண்மை
நுனியின் கரும்புதின் றற்றே1 - நுனிநீக்கித்
தூரின்தின் றன்ன தகைத்தரோ பண்பிலா
ஈரமி லாளர் தொடர்பு. 138 – கல்வி, நாலடியார்

பொருளுரை:

ஒலிக்கும் கடலின் குளிர்ந்த துறையின் தலைவனே!

கற்று மெய்ப் பொருள் அறிந்து ஒழுகுபவர்களின் பண்புடைய நட்பு கரும்பை அதன் நுனியிலிருந்து தின்று சுவைப்பதைப் போன்றது.

நுனிக் கரும்பை வெட்டி எறிந்து விட்டு அடிப்பகுதியிலிருந்து அதனைத் தின்றாற் போன்ற தன்மையை உடையது அக் கல்விப் பண்பும் அன்பும் இல்லாதவரது நட்பு.

கருத்து:

கற்றோர் நட்பு வரவர வளர்ந்து இனிக்கும் தன்மை உடையது.

மேலும்

பார்வைக் கணையது பாவனா கண்களில் தென்படுது;
கார்கூந் தலதனைக் கண்டுமே பொங்குதெந் தன்மனமே!
கூர்த்த மதியினள் கொள்கையின் மாட்சிமை காண்கிறது;
சீர்மைச் சிறப்புமே சிற்றிடைப் பெண்ணிடம் சேர்ந்திடுதே!

- வ.க.கன்னியப்பன்

கலித்துறையின் ஒரு வகை கட்டளைக்கலித்துறை. கட்டளை= எழுத்தின் அளவு. இக்கலித்துறையில் நான்கடிகளிலும் எழுத்தெண்ணிக்கை ஒரே மாதிரியாக வருவதால் இப்பெயர் பெற்றது. காரிகை நூற்பாக்கள் அனைத்தும் கட்டளைக் கலித்துறை யாப்பில் அமைந்தவை. காரிகைக்குப் பின் வந்த இலக்கணங்களில் கட்டளைக்கலித் துறையின் இலக்கணம் சொல்லப்படுகிறது. கோவை எனும் சிற்றிலக்கியம் முழுமையும் கட்டளைக் கலித்துறையால் அமைந்தது.

மேலும்

இரவோ(டு) இரவாக வாழ்க்கையில் வெற்றி
வருவதில்லை; ஆர்வம் குறிக்கோள் - இரண்டும்
இணைந்து தொடர்முயற்சி மேற்கொண்டால் எங்கும்
துணையாய் வரும்ஒளிம யம்! 1

இரவோ(டு) இரவாக வாழ்க்கையில் வெற்றி
வருவதில்லை; ஆர்வம் குறிக்கோள் - இரண்டும்
இணைந்து தொடர்முயற்சி மேற்கொண்டால் எங்கும்
துணையாய் வருமே ஒளி! 2

தன்னம்பிக் கைவெற்றிக் கேசாவி யாய்ஆகும்
என்றும் அவசர எண்ணமும் - நன்றாம்
முடிவினை எட்டாதே; உன்குறையை நேர்செய்
கிடைக்குமே வெற்றியப்போ து! 3

தன்னம்பிக் கைவெற்றிக் கேதிறவு கோலாகும்
என்றும் அவசர எண்ணமும் - நன்றாம்
முடிவினை எட்டாதே; உன்குறையை நேர்செய்
கிடைக்குமே வெற்றியப்போ து! 3a

மேலும்