வாழட்டும் நம்காதல் வா! என முடிக்கலாம்.

ந நி நி நா மோனையாகப் போட்டிருந்தாலும் தகுந்த மோனை ஆகாது.

ந வுக்கு ந நா நை நௌ
நி க்கு நி நீ நெ நே சரியான பொழிப்பு மோனையாகும்.

சீர்களையும் நம் விருப்பம்போல் உடைத்துப் பிரிக்கலாகாது. - உதாரணம்:1, 4 ஆம் அடி

அன்னம் ஒத்ததோர் அழகிய நடையினள் வந்தாள்!
கலிநிலைத்துறை
(குறிலீற்றுமா + கூவிளம் + விளம் + விளம் + மா)
(1, 3 ல் பொழிப்பு மோனை)

அன்னம் ஒத்ததோர் அழகிய நடையினள் வந்தாள்;
சொன்னம் போன்றதோர் சொக்கிடும் பெண்மயில் போலே!
அன்பன் என்றனை ஆசையில் இனிதுற அணைத்தாள்
மன்னன் போலவே மனத்தினில் இருத்தினாள் மகிழ்ந்தே!

- வ.க.கன்னியப்பன்

கலித்துறை
(குறிலீற்றுமா + கூவிளம் + விளம் + விளம் + மா) என்ற வாய்ப்பாட்டில் 1, 3 ல் பொழிப்பு மோனை வைத்து ஒரு பாடல் எழுதுங்களேன்.

அடிக்கு ஆறு சீர்கள் இருந்தாலும் கூட, சீர் ஒழுங்கும் இல்லாமல், எந்த வாய்ப்பாட்டுள்ளும் அடங்காமல் வரும்பாடல் விருத்தமாகாது; ஓசையும் சிறக்காது! பாவலர் பயிலரங்கத்தில், முகநூலில், சுமார் 80 வகையான வேறுபட்ட வாய்ப்பாட்டுள், தக்க எடுத்துக் காட்டுக்களுடன் பயிற்சி கொடுக்கப்பட்டுள்ளது.

அறுசீர் கழிநெடிலடி ஆசிரிய விருத்தம்
(விளம் மா தேமா / விளம் மா தேமா) என்ற வாய்ப்பாடில்)
(1, 4 சீர்களில் மோனை) வைத்து தாங்களும் சில விருத்தங்கள் முயற்சி செய்யலாமே!

1000 பாடல்களுக்கு மேல் எழுதியும் நான் எழுதும் ஒவ்வொரு பாடலையும் பாவலர் பயிலரங்கத்தில் எழுதியே அங்கீகாரம் பெறுகிறேன்.

வெண்புறாவாய் பாவெழுந்து விண்ணில் சிறகடிக்க
வெண்ணிறத்தாள் வந்தாய் விரைந்து!

கடைசி இரண்டடி இப்படி அமைந்தால் ந்ன்றாயிருக்குமா?

சொற்கொல்லன் சொற்றமிழென் சொல்!

சிந்தியல் வெண்பாவும், சேர்குறட் பாவதுவும் சிறப்பு! வாழ்த்துகள்.

ஆங்கிலக் கலப்பில்லாத வெண்பா நன்று!

முதலடி முற்று மோனை; மற்ற அடிகளில் பொழிப்பு மோனை சிறப்பு!

கண்ணிறைந்த நல்வழியைக் காட்டு! என்ற ஈற்றடிக்குத் தகுந்த வெண்பா எழுதுங்களேன்.

பே னா எழுதுது பெ ண்ணேநின் பே ரழகை - 1, 3, 4 சீர்களில் மோனை - என்ன பெயர் சொல்வது? 2 ல் மோனை இல்லை!

இருவிகற்ப நேரிசை வெண்பா
(ஒழுகிசைச் செப்பல் ஓசை)

இயற்கை வளமதனை யின்று தொலைத்தே
செயற்கைப் பொருளதனைச் செய்யீர் - நயமுடன்
நல்லுலகம் வாழ வழிகாட்டும் என்பாக்கள்
எல்லா உயிர்க்கும் இனிது!

அனைத்துப் பாக்களும் சிறப்பு!

கட்டளைக் கலித்துறை

வெள்ளை உடையில் அலையும் அரசியல் வித்தகரை
கள்ளச் சிரிப்பும் உதிர வலம்வரும் காதகரை
உள்ள கனிமம் முழுதும் களவாடும் உத்தமரை
கொள்ளை யரென்றே கருதி ஒதுக்கிடு ஓர(த்)திலே!

ஓர(த்)திலே என வரலாம்; த் ஒலி குன்றி கூவிளங்காய் என்றே கொள்ள வேண்டும். வாழ்த்துகள்.

நேரிசை வெண்பா
(1, 3 சீர்களில் மோனை)

காலன் வருமுன்னே கண்பஞ் சடைமுன்னே
பாலுண் கடைவாய் படுமுன்னே - மேவிழுந்தே
உற்றார் அழுமுன்னே ஊரார் சுடுமுன்னே
குற்றாலத் தானையே கூறு. - பட்டினத்தார்


குற்றாலத் தானையே கூறு! என்ற ஈற்றடிக்குப் பாட்டெழுத முயற்சிக்கிறேன்.

குடிப்பதற்கு வழிவகுத்துக் குடிமகனை அடிமையாக்கி ;
படிப்பதற்(கு) அமைத்திட்ட படிப்பகங்கள் முழுவதுமே,
குடிப்பழக்கம் தடம்பற்றும் கொடுமையது பெருகிடற்கு ;
வடிவமைத்த அரசியலை வணங்கா(து) ஒடுக்கிடுவோம்!

கலித்தளை
13 (87%)

வணங்கா(து) ஒடுக்கிடுவோம்! = மா முன் நிரை - கொச்சகக் கலிப்பா எனலாம்!

கலி விருத்தம்
(விளம் விளம் மா கூவிளம்)
(மாச் சீரின் இறுதியில் குறிலோ, குறில்+ஒற்றோ தான் வரும். நெடில், நெடில்+ஒற்று வராது)

சான்று:

சொற்றுணை வேதியன் சோதி வானவன்
பொற்றுணைத் திருந்தடி பொருந்தக் கைதொழக்
கற்றுணைப் பூட்டியோர் கடலிற் பாய்ச்சினும்
நற்றுணை யாவது நமசி வாயவே. (அப்பர் தேவாரம்)

மேலேயுள்ள வாய்பாட்டில் ஒரு பாடல் முயற்சியுங்கள்.

கலிவிருத்தம்
(மா விளம் விளம் விளம்) நன்று!

மூன்றும் நல்ல பாடல்கள்!

ஆட்சியுற்றே ஆர்ப்பரிப்போர்

ஊரார்க்கும் -- ஆக்கமிலா

நேரிசை வெண்பா

கானகத்தின் பச்சை கரியமிலம் நீக்குவதால்
வானம் உயிர்க்காற்றை வாங்குவதால் - மானிடரும்
வாயதன் தேவைக்காய் வாய்த்தவனம் தீர்த்திட
தேயமே காய்ந்திடவோ தீர்வு!

அருமையான கட்டளைக்கலித்துறை! வாழ்த்துகள்.

ஒரு விகற்பக் குறள் வெண்பா

என்னுள் நிறைந்தே எனக்காக நீபிறந்தாய்
உன்னுள் உயிராய் உளேன்!

இருவிகற்ப நேரிசை வெண்பா

சிக்கனம் கொண்டவர் சிந்தையில் பார்க்கையில்
இக்கணம் இன்பம் எளிதினில் - சொக்கி
முகத்தில் சுழிப்பின்றி முன்னே அடைவார்
அகத்தில் வரவாம் அறிவு!