மனதின் இடுக்குகளில் எல்லாம்
தேங்கி நிற்கும் உன் நினைவுகள் -சாலை
ஓரத்தில் நிற்கும் மழை நீர் போலவே!
மனிதர்களுக்கு இடையூறானதால்
உறிஞ்சப்படுகின்றது மழை நீர் -
என்ன ஆச்சர்யம்?
இறைக்க இறைக்கப் பெருகும் சுனை நீரானாய் நீ!

மேலும்

கண்ணீர்க் கறை கொண்ட கண்களோடு
கடக்க இயலாத நேரங்களைத் தாண்டி
கரையேரப் போராடியதாய் நினைவு ....
கடந்து வந்து திரும்பிப் பார்க்கிறேன்
கடமை தனை நிறைவேற்றினால் போதும்
கடுகி விரையும் காலம் என்ற பாடத்துடன்..
கற்றது அனுபவப் பாடம் தான் என்றாலும்
கருத்தினில் நிற்கிறது காலம்காலமாய்..

மேலும்

வீட்டின் மாடிப்படிகளும்
பயணித்த பாதைகளும்
ஆற்றங்கரை பிள்ளையாரும்
தருகின்றன சில நினைவுகளை
உருண்டோடும் உலகத்தில்
உழன்று கொண்டிருக்கும்
நமக்கு என்றும் புரிவதில்லை
சில நினைவுகளின் ஏகாந்தம்.

மேலும்

முடிவுகள் அல்ல தோழா - இங்கே
முயற்சிகள் தான் பேசப்படுகின்றன!

மாற வேண்டியது நீ மட்டுமல்ல ,
உன் பயணப் பாதையும் தான்..
சேரும் இடத்திலல்ல - எப்போதும்
செல்லும் வழியில் கவனம் வை!

விழுதுகளை வேராக்கி நின்று
வியக்க வைக்கும் ஆலம் போல்..
ஒவ்வொரு முயற்சியிலும் உன்
திறமைகளைக் காட்சிப்படுத்து...
நழுவிச் செல்லும் வெற்றிகளை
கட்டி இழுக்கும் கயிறுகள் அவை..

வெற்றி இப்போதில்லை என்றால்
எப்போதும் இல்லை என்பதல்ல,
மற்றொரு பாதை உனக்காகக்
காத்திருக்கிறது என்பது தான்..

பயணங்கள் என்றும் தொடரட்டும்
உள்ளம் குளிரும் வெற்றிகளோடு!

மேலும்