எண்ணம் சமர்ப்பிக்க Login செய்யவும்.

புதிய தொடர் பற்றிய அறிவிப்பு ================================ எழுத்து தள...

புதிய தொடர் பற்றிய அறிவிப்பு

================================
எழுத்து தள தோழர் தோழமைகள் அனைவருக்கும் வணக்கம்... 

எல்லோருக்கும் எனது மனமார்ந்த புத்தாண்டு நல் வாழ்த்துக்கள்...

முதலில் கஜல் தொடருக்கு தாங்கள் தந்துக் கொண்டிருக்கும் ஆதரவிற்கும் அதை இவ்வளவு பெரிய வெற்றி தொடராக மாற்றிய நல்லுள்ளங்களுக்கும்அதில் எழுதிய / எழுத போகும் அனைத்து தோழர் தோழமைகளுக்கும் என் இதயம் கனிந்த நன்றியை தெரிவித்துக் கொள்கிறேன்...
இது எனக்கு கிடைத்த வெற்றியாக நான் ஒரு போதும் நினைக்க வில்லை மாறாக நமது கூட்டு முயற்சிக்கு கிடைத்த வெற்றியாகவே கருதுகிறேன்...

ஏராளமான தோழர் தோழமைகள் கஜல் தொடரில் தங்களை சேர்த்துக் கொள்ளும்படி மீண்டும் மீண்டும் மின்னஞ்சலில் கேட்ட வண்ணம் இருக்கிறார்கள்...

நான் ஏற்கனவே கஜல் தொடரை முடித்துக் கொள்வதாக அறிவித்து விட்டதாலும்அதற்கடுத்து இதில் ஏற்கனவே 50 தோழர்/தோழமைகள் எழுத விருப்பம் தெரிவித்து விட்டதாலும் இன்னும் ஒரு படி மேலே சென்று இந்த தொடரில் எழுதுவோர் அனைவருக்கும் ஒரு நாள் முழுதாக ஒதுக்கி விட்டதாலும் மிகவும் நீண்டு விட கூடாது என்ற நோக்கத்தில் முடித்து கொள்வதாக அறிவித்து விட்டேன்..
ஆனால் பலர் தோழர் தோழமைகள் பலரும் எழுத ஆர்வம் தெரிவித்து வருவதால்அதற்காகவே அடுத்தடுத்த தொடர்களை ஆரம்பிக்கலாம் என முடிவெடுத்து இந்த இனிய புத்தாண்டின் நற்செய்தியாக அறிவிப்பதில் மகிழ்ச்சி அடைகிறேன்...

அதன்படி கஜல் தொடருக்கு பிறகு வரும் தொடர்களின் பட்டியல் ===============================================================

1. நீ நான் மற்றும் சில கவிதைகள் (ஹைக்கூ தொடர்)
2. கவிதையை தவிர வேறு எதுவும் இல்லை (சென்றியூக்கள் தொடர்)
3. ஒரு கண்ணாமூச்சியும் சில பட்டாம்பூச்சிகளும் (சந்த கவிதை தொடர்)
4. பகலில் தோன்றும் நிலா (லிமரிக் தொடர்)
5. பழைய வானம் புதிய பறவை (மரபு கவிதை தொடர்)

இந்த ஐந்து தொடர்களும் கஜல் தொடருக்கு பிறகு அடுத்தடுத்து வரும் என்பதை மகிழ்ச்சியுடன் தெரிவித்துக் கொள்கிறேன்..

இதிலும் கஜல் தொடருக்கு சொன்ன அனைத்து விதி முறைகளும் உண்டு...
ஆதலால் இனி கஜல் தொடரில் எழுத வாய்ப்பு தருமாறு எனக்கு மின்னஞ்சல் அனுப்ப வேண்டாம்...
அதற்கு பதில் மேற்கண்ட தொடரில் எழுத விருப்பம் தெரிவித்து மின்னஞ்சல் அனுப்பலாம்...
கஜல் தொடரில் பங்கேற்காதவர்களுக்கு இதில் முன்னுரிமை அளிக்கப் படும்...
மேலும் பல தகவல்கள் அடுத்தடுத்த எண்ணத்தில் பதிவிடுகிறேன்...

நானே எதிர் பார்க்காத இந்த பெரு வெற்றியை கஜல் தொடருக்கு ஈட்டித்தந்த எனது தோழர் தோழமைகள் அனைவருக்கும் இந்த நல்ல நேரத்தில் நன்றி சொல்ல கடமை படுகிறேன்...
அதே போலவே வரும் தொடர்களையும் வெற்றி அடைய செய்வோம் அதனால் நாமும் வளர்வோம்...

புதிய புதிய சிந்தனைகளை கற்பதே/கற்பிப்பதே இதன் நோக்கம்...
இங்கே நான் என்பது நான் அல்ல நீங்களும்தான்...

எந்த சந்தேகம் இருந்தாலும் எனக்கு மின்னஞ்சல் அனுப்பி கேட்டு கொள்ளவும்...
இந்த தொடரில் வெளியே இருந்து நம்மை வழிநடத்தும் நமது பாசத்திற்குரிய அகன் ஐயா அவர்களுக்கு எனது நன்றியை தெரிவித்துக் கொள்கிறேன்...

தொடரை வெற்றி பெற செய்வோம்..
வளர்வோம் வளர்ப்போம்..

வாழ்க தமிழ் வளர்க தமிழர்கள் 

நட்புடன்
ஜின்னா.

பதிவு : ஜின்னா
நாள் : 3-Jan-16, 5:05 pm

மேலே