சிட்டுக்குருவி செல்ல சிட்டுக்குருவி -எம்
வீட்டுச்சோலையில் கொட்டும் அருவி!
பட்டி தொட்டி பட்டணம் என்ற
வெட்டி மதியின்றி எட்டிப்பார்ப்பாய் நீ!


எல்லை யில்லை உம் போக்குவரவில்
தொல்லையில்லை எம் பகல் இரவில்!
பிள்ளைக்குட்டிகள் இருந்தபோதிலும்
கொள்ளை கொள்வோம் உம் சுட்டிக்குரலில்!

தட்டிக்கேட்க ஆளேயில்லையென - உனை
வெட்டிச்சாய்க்க வேலைதனை தொடங்கிட்டோம்!
முட்டி மோதி முன்னேறும் மோகத்தில்
எட்டி போல் உன் உயிர்பறிக்க இறங்கிட்டோம்!

கையில் தவழும் மழலையே எம் சிட்டுக்குருவி
பையில் புரளும் கைப்பேசி உனைக் கொல்லும் கருவி!
வாயிலாய் திறந்து எம் உள்ளம் இல்லம் மாறி
கோயிலாய் உயரும் உம்குலக்கொடி முன்னேறி!
- த ஜா