நமது நாட்டில் தற்போது எந்தவொரு பிரச்சினையும் இல்லை. மக்கள் சுபிட்சமாக உள்ளார்கள். மகிழ்ச்சியில் திளைத்து இருக்கிறார்கள். காரணம் விலைவாசி மிகவும் சரிந்து விட்டது. மளிகை பொருட்கள் விலை மிக மிக குறைவான விலையில் கிடைக்கிறது. அத்தியாவசிய பொருட்கள் அடிமாட்டு விலைக்கு விற்கப்படுகிறது. பெட்ரோல் டீசல் விலை பாதிவிலை குறைந்து கேஸ்சிலிண்டர் 100 ரூபாய்க்கு இறங்கி வந்து விட்டது. சாலைகளில் வசிப்பவர்கள் கூட மூன்று வேளை வயிறார சாப்பிடூகிறாராகள். அந்த அளவுக்கு மத்திய மாநில அரசுகள் மக்களை குறையின்றி வைத்து இருக்கிறது. பணத்தட்டுப்பாடே எங்கும் எதிலும் இல்லை. பொருளாதார முன்னேற்றத்தில் இந்தியா தொடர்ந்து இந்த மூன்று ஆண்டுகள் முதலிடம் வகிக்கிறது. வெளிநாட்டு வங்கிகளில் உள்ள கறுப்புப் பணத்தை மத்திய அரசு மொத்தம் திருப்பி எடுத்து வந்து விட்டது. அனைத்து வங்கிகளில் வாராக்கடன் என்று ஒன்று இல்லை. வேலையில்லாத் திண்டாட்டம் என்று இருப்பதாகவே தெரியவில்லை. எல்லா மதத்தினரும் மனமாச்சரியங்கள் இன்றி அனைத்தும் ஒரே மதம் என்று புரிதலுடன் மக்கள் இணைந்து இருக்கிறார்கள்.