எண்ணம்

(Eluthu Ennam)

எண்ணம் சமர்ப்பிக்க Login செய்யவும்.

17-Feb-2018 11:24 am

*இயற்கையின் கோபம்*

எழில்மிகு இயற்கையே என கவியெழுத எனக்கும் ஆசைதான் !

எழுத்தாணி கொண்டு இட்ட

மையினூடே இயற்கை காரி உமிழ்ந்த்து என் கவித்தாளில் !

இருக்கி்றேனென்று நீயே சொல்கிறாய் எங்கே இருக்கிறேன் எடுத்துக்காட்டென்று !

மலை - அட்டா ! எம் சாண்டு என்று பெயர்ப்பது தெரியாதோ ?

மழை - மூழ்கிட வேண்டாமென முழங்காலில் தவமிருக்கும் மாந்தர்கள் .

வெயில் - நரகமென்றால் அதுதானே எனும் உள்ளூர் அழகிகள்.

குளிர் - இரவினில் நீ வரவே இணைதேடும் இளைஞர்கள்.

காற்று - கண்ணுக்கே தெரியாதென்ற நீ தெரிகிறாயே புகைமண்டலமாய்.

கடல் - இருக்கிறாய் நாங்கள் இறக்கவே ! இருந்தும் இருக்கிறாயே சுனாமியாய்.

வானம் - வானிலை மாறியே போனதனால் நாங்கள் உனை கண்டுகொள்வதில்லையே.

மேகம் - சுயநலவாதி ! எங்கள் ஊர் அரசியல்வாதி போல்.

மலர்கள் - கன்னிகையை காதல் வலையில் கவர்ந்திழுத்தே பலர் வாழ்வை அழித்த தீ.

பறவைகள் - கூண்டுக்குள் வாழ்வதே பறவையென்று காண்கிறோம்.

குழந்தைகள் - தப்பிப் பிறந்த நரக தேவதைகள் கொடூரங்களுக்கு மத்தியில்.

மனிதர்கள் - பிறர்க்காகவே வாழும் சுயநலவாதிகள் பகட்டாக.

மரம் - காட்டை அழித்து ஒரு மரம் நடுகிறோமே போதாதா ?

நிலவு - கரைபடிந்த பிலிப்சு சுடர் கவனிக்க யாரிமின்றி.

சூரியன் - மனிதனால் கோபமாகி எரியும் சிவனின் நெற்றிக் கண் அழிவு விரைவில்.

ஆறு - அப்படியென்றால் ? ஓ மணல் சுரங்கமா ? சாக்கடை கால்வாயா ?

ஆசை - இவ் இயற்கை சில ஆண்டிலேயே மரண கவியாக மாற வரி வகுத்த்து பே(ய்)ர்

ஆசையே !

மேலும்