♥ அதுதான் அதிசயம் ♥
நட்சத்திரம் ஆற்றில் விழுந்தால்
அது ஒரு அதிசயம் இல்லையடி -ஒரு
கட்டிடம் வானில் கட்டி வைத்தால்
அதும் அதிசயம் இல்லையடி !!!
தொங்கும் தோட்டம் கழன்று விழுந்தால்
அதும் அதிசயம் இல்லையடி- அலை
பொங்கும் கடலில் அலைகள் மறைந்தால்
அதும் அதிசயம் இல்லையடி !!!
ஆடும் மாடும் மாமிசம் உண்டால்
அது ஒரு அதிசயம் இல்லையடி- ஒரு
ஓடம் தரையில் ஓடும் என்றால்
அதும் அதிசயம் இல்லையடி !!!
புள்ளி வைத்த கோலங்கள்
புவியில் அதிசயம் இல்லையடி-உன்
உள்ளம் என்னை விரும்பவோதொன்றே
உலகின் மாபெரும் அதிசயமடி!!!!
