வாழ்த்துவோம் விழுதுகளை
( காது கேட்காத சிறுவர்கள் ,
திருப்பூர் )
சிறகு முளைத்த பறவைகள்
இறகு விரித்து பறக்கின்றன !
வேகம் துவக்கத்தில் மட்டுமா
தேகம் தேய்ந்திடும் வரையா !
இளமை துடிப்பும் தெரிகிறது
இலக்கை அடைய துடிக்கிறது !
குறை இருந்தும் குறைவில்லை
முறை ஒன்றும் மாறவில்லை !
ஒலியை அறிந்திடா இதயங்கள்
ஒலிகளை கேட்காத உள்ளங்கள் !
எதிர்காலம் நோக்கி ஓடுகின்றனர்
எதிர்வரும் தடைகளை தகர்த்திட !
வளமான வாழ்விற்கு வாழ்த்துவோம்
வலிவான நலத்திற்கு வாழ்த்துவோம் !
பழுதில்லா பாதையில் சென்றிடுவீர்
விழுதுகள் நீங்கள் வென்றிடுவீர் !
பழனி குமார்
