முயற்சி திருவினையாக்கும்

முடியும் என்றே முடிவெடு
முரட்டு குணத்தை விட்டுவிடு
மூளை பலத்தை நம்பி விடு
மூட பழக்கம் அழித்து விடு
முன்னோர் வழியில் நடந்து விடு
முதியோர் சொல்லைக் கேட்டு விடு
முக்கனி சாறாய் இனித்து விடு
மூச்சை இழுத்து மெல்ல விடு
முழு பிணியும் விரட்டி விடு
மூச்சுள்ள வரை ஓடி விடு
முயன்று முயன்று தேடி விடு
முடியும்வரை உழைத்து விடு
முல்லை போல மணந்து விடு
மூவுலகம் அறிந்து விடு
முட்டாள் தனத்தை தொலைத்து விடு
முகத்தில் அழகாய் ஒளியை விடு
மூவேந்தர் காலம் அறிந்து விடு
மூப்பும் பிணியும் புதைத்து விடு
முயலை போல ஓடி விடு
முழு வெற்றியை குவித்து விடு
முட்டையின் கருபோல் வளர்ந்து விடு
மூலஸ்தானம் வணங்கி விடு
முன்னேறுவோருக்கு வழியை விடு - கண்
மூடும் வரையில் வாழ்ந்து விடு.