புது வசந்தம்
உறைய வைத்த
குளிர் காலம் முடிந்து
வசந்த காலத்தை
வரவேற்கும்
ஹோலி பண்டிகை போல்
புதிய தேர்தல்.
தெருக்களிலும்
திறந்த வெளி
இடங்களிலும்
வண்ணப் பொடிகள் வீசி
ஆடிப்பாடி மகிழும்
மக்களைப்போல்.
நாள்தோறும்
தோரணம் கட்டி
வண்ணக் கொடிகள் பறக்க
ஊர்களில்
மேடையேறும் கட்சிகளின்
பொதுக் கூட்டங்கள்.
அதில் எதிர் அணியினரை
இகழ்ந்து பேசி
கரி பூசும் வேட்பாளர்.
ஆடிபாடி கொண்டாடி
மனம் மகிழும்
கூட்டத்தினர்.
நல்ல அறுவடையும்
வளமான நிலத்தையும்
நினைவு கூறும் விதமாக
கொண்டாடப்படும்
ஹோலி பண்டிகை போல
தேர்தலும்
தேர்தலுக்கு பின்
அறுந்த உறவுகளை
புதுப்பித்து
எல்லோரும் கொண்டாடி
வரவேற்போம்
புது வசந்தத்தை.
