அழகு
சாலையோர பயணமொன்றில்
ஒரு பார்வையற்ற தம்பதிகளை
கடக்க நேர்ந்தது.
கணவன் ஏதோ சிலாகித்து கூற,
மனைவி வெட்கப்பட்டு
கணவன் முதுகில் முகம் புதைத்தால்..
பேருந்து நேர தாமதத்தால்
வேகமாய் நடந்த எனக்குள் - ஒரு
சின்ன சந்தேகம் துளிர்த்தது.
இருவரின் மனத்திலும்
மற்றவரின் முகம்
எவ்வளவு அழகாய் கற்பனையில்
பதிவுசெய்யப்பட்டிருக்கும் என்று.
யோசிக்க, யோசிக்க,
அழகாகிக்கொண்டே போனார்கள்
இரண்டு பேரும்.
தோற்றுப்போய்,
நிறுத்திக்கொண்டுவிட்டேன் அதோடு.
